Врап со ориентален вкус

Кога гостував во емисија на Телма имав идеја да направам посна варијанта на лахмаџун, ама сфатив дека месење теста и правење комплицирани рецепти само би ми било преголем залак.

Затоа решив да направам нешто што ќе биде инспирирано од источната кујна - поточно врап што ќе има некој поориентален вкус.

Врапот со ориентален вкус

Главна состојка во врапот е меленото месо од карфиол, меѓутоа ако не сте љубители на крафиол, воопшто нека не ве премислува тоа да го направите рецептот, затоа што покрај зачините, воопшто нема да го почувствувате вкусот на крафиолот.

Карфиолот е главна состојка на овој врап

---

Врап со ориентален вкус

Количина: 12 мали врапови

Време за подготовка: 50 минути

Се подготвува во мултипрактик и тавче за печење.

Состојки:

Мелено месо од карфиол:

1 помала главица карфиол

120 g печурки шампињони

100 g ореви

2 лажици соја сос

1/2 лажица буковец

2 лажички мелен кумин

1 лажичка димен црвен пипер

1/2 лажичка лук во прав

Сол и црн пипер

Хумус

Потпечени тортиљи

Зелена салата

Калинки

Врапот со орентален вкус

Опис:

1. Прво се составува меленото месо од карфиол, за кое во мултипрактик на крупно се мелат карфиолот, шампињоните и оревите.

2. Се додаваат зачините, се се промешува, се распоредува во тавче и се пече на 180 степени, 30 минути. Целата смеса се промешува во тавчето и се остава да се пече уште 15 минути.

3. Откако ќе се испече и ќе се подизлади месото од крафиол, на тортиља се мачка хумус, се распоредува месото од карфиол, се додава зелен зеленчук по избор и калинка и се витка како бурито.

4. За нутритивно да го збогатиме овој врап, можеме да го придружиме со чаша Sütaş Ayran.

Врапот го искомбиниравме со Sütaş Ayran