top of page

Печен фалафел со спанаќ

Фалафелот, според Википедија, е арапски специјалитет раширен низ цел Среден Исток. Се прави од наут и се се пржи во длабоко масло и во таква форма е екстра вкусен.


Последниве години откако почна се почесто да се користи наутот во исхраната, фалафелите станаа популарни и кај нас.

Печен фалафел со спанаќ
Печен фалафел со спанаќ

Овој рецепт е трансформација на традиционалниот рецепт со цел да се избегне пржење во длабоко масло. Содржи многу малку масти, затоа препорачливо е да се искомбинира со прелив од таан или павлака од индиски ореви.


Откако почнав да се интересирам за различните типови храна и врз себе почнав да експериментирам со вкусови (и диети), печениот фалафел е еден од најстарите и најчестите рецепти што сум ги правел. Дури едно време и го продавав преку една продавница за здрава храна!

Оформување на фалафелите
Оформување на фалафелите

 

Печен фалафел со спанаќ


Количина: 15 фалафели

Време за подготовка: 45 минути


потребни се мултипрактик, поголем сад за мешање и тава за печење




Состојки:


500 g варен наут

100 g спанаќ

1 главица кромид

Лук

Магдонос

Сок од половина лимон

Зачини: кумин, сув коријандер, буковец, сол и црн пипер

50 g овесни снегулки


Сусам

Фалафелот искомбиниран во тортиља со ѕаѕики од индиски ореви
Фалафелот искомбиниран во тортиља со ѕаѕики од индиски ореви

Опис:

  1. Во мултипрактик се мелат сите состојки, освен овесните снегулки. Најдобро е да се меле со опцијата pulse за да не се добие каша како за хумус, туку смесата да има некаква структура.

  2. Сомелената смеса се префрла во сад и се додаваат овесните снегулки и се убаво се соединува.

  3. Се формираат околу 15 фалафели (зависи од големината), се поросуваат со сусам и се печат на 200 степени, околу 20 минути.

  4. Се вадат од рерна, се оставаат да отстојат околу 5 минути и се превртуваат. Може да се потпечат уште 5 минути од другата страна, или да се остават 5-10 минути превртени во исклучена рерна.

  5. Може да се искомбинираат во тортиља, со салата, со супа или со некој прелив за фалафел.

Печениот фалафел со спанаќ (и магдонос)
Печениот фалафел со спанаќ (и магдонос)

Печениот фалафел со спанаќ
Печениот фалафел со спанаќ



Comments


Следете ме

  • Facebook
  • Instagram
  • Twitter
  • YouTube
  • Pinterest
bottom of page