Погача со брашно од наут

Обично сите погачи и прои се прават со пченично брашно и со пченкарно брашно (проите).

Ама, ајде малку да смениме! Да испробаме да направиме погача од друг тип на брашно и да испробаме нови вкусови.

Погачата со брашно од наут и многу зеленчук

Брашното од наут ги има карактеристиките на наутот - диететски влакна, низок гликемиски индекс, растителни протеини, а во добар процент содржи фолат (фолна киселина) и бакар кои се многу битни за подобра искористиливост на железото од храната.

Зрното наутот и брашното поседуваат одличен нутритивен профил

---

Погача од брашно од наут

Количина: 15 парчиња

Време за подготовка: 50 минути

потребни се поголем сад за мешање и тавче за печење

Состојки:

2 чаши брашно од наут

2 јајца

1 чаша јогурт

1/2 чаша вода

2 лажички прашок за печиво

1 лажичка јаболков оцед

1 лажица маслиново масло

Сол

Зеленчук по избор (јас користев цветови брокула, тиквичка, кромид и пиперка)

Погачата со брашно од наут

Опис:

1. На дното од тавчето се реди зеленчукот исечен на поголеми парчиња. Се полева со маслото, се промешува за да се распореди маслото и потоа зеленчукот се распоредува во еден слој низ тавчето.

2. Во длабок сад се мешаат состојките за тестото - треба да се добие нешто погуста смеса од смесата за палачинки.

3. Тестото убаво се распоредува врз зеленчукот, по желба се посипува со сусам и се пече 40 минути во рерна на 200 степени.

Парче од погачата